TIPA GINE DU SI AIDA SAKAAPAI TINI? - PowerPoint Presentation

Slide1

TIPA GINE DU SI AIDA SAKAAPAI TINI?

Yugopa 6 tipa Merekoko 9, 2020

Gine ka sa gaani asaka?

Kungbo

AberãAsaka rogo apai yoSino na inido heIngapaiTipa gine du si aida sakaapai tini?

Geda pangbanga kia ti geda nyenyeki waraga. Ga gude gedapai wa ga sosono boro geda pai te. Babanda aboro rengbe na gia rogo gu bangisa kekepai kia ti ira pambori. Ka geda pai rogo pa boro batikayo ni nani kia ti geda sakisaki waraga. Agure--na akura adungu he a—nga agu na sa rogo saka kekeapai yo. Kina gi bangisa pai re rengbe ani na mangaha tipa Ziazia Kekeapai a. Boro ho rengbe na ka geda Ziazia Kekeapai rogo pa gbara yo te. Si du, wai rengbe ani ka saka Ziazia Kekeapai ni ruru he?

Kungba

Aberã“Ani a berã ha ti gaani kiya: ko du nga gu boro nika batasa Ayisaraere!.” (Ruka 24:21)

Tipa garã biata na beberehe, apeke Yesu abere he nga Ko angia Masia (Matayo 16:15-16). Ono, i agi gi paire ni kina betehe, mbiko gayo berã adu nga gako sunge adu tipa ka fu raniri fuyo be Aromo. Gi berã re ki mbuyo ka i ini ngo Yesu ho Ko azingi ni be kpio ya (Ruka 4:36-45).Ziazia Toro kini mo ka manga sunge na aberãyo ka yugo ga Yesu nzunzu sunge fuyo rogo gu imarago nga ga Ziazia Kekeapai.

Ani a, gaani inidohe, inoapai na aberãrani rengbe na ka sa wai ani asaka rogo Ziazia Kekeapai yo.

Ziazia Toro nika undo rani ani gi rogo Ziazia Kekeapai ni ruru he ka ani zaki berãrani na ngbdurani zizia fu Ko.

ASAKA ROGO APAI YO

“

Ka si ngia agu aboro hõ nika fura rogo ngbatunga afugo yò, i du kina ue ka i a susa nga biata ya, tipa ka fura; ni ba-sã-sã; gu kura boro kini saki rogo gu pai yò i a gumba ha re. Ono ka gu boro a du nga hõ rengbe ka saka rogo yò ya, gu ni na fura ni ngbatunga afugo re ki ongo aonga kanisa yo, kini fura kina ku kpoto ni yo, nâ fu Mbori.” (1 Kor. 14:27-28)I ake Ziazia Kekeapai rogo pa Ebere, Pa Giriki, na Aramika. Kasi du nga ana ino ngo ka geda apa agi aboro re wenengai te, ani ki ni idi isaki rogo yo asaka fu rani. Apai ue tipa asaka rogo apai yo: Pai sa rengbe na kpa rogo parani yo, guni na saka ha ki saki he kina rogo gu gi ni rogo yo mbata.

EBERE

ARAMIKA

GIRIKI

Bambiko agi akpakpa apai re, si naida ani gedi asakisaki apai ni bakiakia, tipa ani ki gi rogo ruru bambata ha. Ka si zavura du nga ana geda gini ngbatunga sakasaki apai vuru, amburu rengo Scriptura ti aregbo du ni akpuraha tipa gia rogo yo.

Angbatunga sakisaki rogo Zizia Kekeapai yo Biata:

Agu yangada ha du ue re ngbangba tipa ka gia rogo gini pai si agumba ha. Ono,

si angba nga tipa yugopai te mbiko bera aboro du du he rogo yo. Si naida Ruru sakaapai.

ASAKA ROGO APAI YO

INIDO SINO

“

… nambusa awiri aboro ambusa tipa gu irairaapai nga ga abayo da kina ho rikayo ka du ni biata na biama nga agu yo nasoga re.” (Gate 20:5)Abakeke Ziazia Kekeapai arinda ku rogo dungu asino ni bakiakia: Ebere, Akasado, Agiriki, na ARomo. Si du, ani rengbe na gia gayo kekeapai wenengai ho ani atingida pa sinoyo ni.

Ono tie, ka ani azavuranga ino sino agi aboro ni basasa re ya, Ziazia Kekeapai hi be pa gia rogo ho fu rani. Si na sakahe susi sino, wa pa kusa ahe, ingaapai, na tipa gine ana ida bata tini?

Kpiapai, rogo sino AEbere, boro du wa ka isana ni ti gu pai ni na manga nga ha ya, ono ni ki mbuhe si mangi. Si du i ana kpakanahe tini tipa agu apai Ko amanga nga ha ya, wa ka sa agude mbu tipa ga abayo irairaapai, wa nyekasa ngbadu Farao.

INGAPAI

“

Yesu ki ya fu yo, “Ka si ngia oni na vurari, ka gbegberepai du nga ti roni te; ono ya oni awere, ‘Ani na ngera ngera’’; gaoni gberegberepai nye anye.” (Yoane 9:41)Ingapai nga kpuguru dagba bagedipai na Ziazia Kekeapai. Ingapai na aria gu gene ani asaka rogo Ziazia Kekeapai kini idi paha.

Ani rengbe na gia Scriptura ni irairaha mbiko gaani kiisopase, nangahe na ye be bera rani, tika, zanga iriso, kpinyemu kina sangbarani, na dungu akura gbaraa. Si du ani du wa ka ani gedi Ziazia Kekeapai rogo futise yo na idapase. Ani du wa ka ani du regerege tipa Scriptura aria rani na sino rani. Ziazia Toro rengbe ka manga sunge rogo rani yo ka ani ra fu Ko. Ka gaani ingapai vura du wai vuru, Ko nungusi rani sa “arengo du”. (Yoane 16:13)

TIPA GINE DU SI AIDA SAKAAPAI TINI?

“

Ko ki uru gayo bera, i ki rugu tiyo na Ziazia Kekeapai.” (Ruka 24:45)Ka si du nga ani ye na ki idi ka saka Ziazia Kekeapai ni irairaha, ani rengbe na da ti iraira adakutipai, gi pai re angia nga tipa gia pa bata gbua ya, ono agu apai du Ziazia Kekeapai ayugoho.Ruru saka Ziazia Kekeapai na ye na

:

Ana ida wene geda Ziazia Kekeapai (hermeneutics). Ani du wa ka ani wisigi papara agedapai nibi mburuhe mbata, na agu aversi na fura tipa kina gu pai sa ani agedaha re. Ho du ka ani ru ni ka ino sangba Mbori fu rani rogo Z. K. yo.

“Yamo mo ni sana ngahe, nga gine kami mangihe ka bata? Mo du wa kamo moi ga kuru abera sande, agu bimoho be avungu ro, gu mo atudihe, mo du wa ka mo moi he ngbadimo wisigoapai. Ka mo agbata aScriptura ka nyekasa kina aberaro gbua, mo gbata nga rengo te. Mo gbatahe ka wirika ya Gbia ya wai. Ho mo agbatahe ni, na ka mo bi aberaro ambeda nga na rengo ya, ka mo saki ngo rengo si wiri kina beraro ya, ono mo di gu imarago fu yo foro ku gume. Mo za beraro na ngbaduro tipa mo ki bi gu iriwo apai du rogo Sangba Mbori yo.”

E.G.W. (Christ's Object Lessons, cp. 8, p. 112)